فكر يابن الحلال

الأيام دي اصبحت كلمة (بحبك) تقال بلا حساب وكأنك بتقول انا بحب المانجة
تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم
من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه


بالنسبة للشاب:

معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم

بالنسبة للبنت:

فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قال الشرع
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
لازم كل حاجة تعمليها يكون هو على علم بيها
في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء
طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!!
لازم تحكمي عقلك كتير أوي قبل ما تحكمي قلبك في بداية الطرق
لحد ما تتأكدي مليون في المية ان الحب بينكم صادق

في طرق متعددة لإختبار حب الطرف الأخر واللي يحب اني اقولها معنديش مانع

كلمة بحبك بداية تكوين أسرة ولو اتبنت على أساس غير سليم يبقى قول على الحب يالا السلام
والانهيار وجبنة بالزيت الحار
تحياتى ليكو

زيت حار اية يا حج


عوزين شطة وفلفل
شكران على الموضع

متقبلاش مرورى

مصطفى انت كاتب الموضوع دة على اساس انة لسة فى حب بجد زى الاول انت بتحلم والولاد اللى حيقروا الموضوع حيدخلوا الكلام من هنا ويطلعوة من هنا كل ولد بيتسل مش بيفكر غير فى نفسك وبس زمن الحب الحقيقى ضاع كلة اكيد حيقعد يقولى لا ولسة فى وكدة بس واجهوا الحقيقة مش تعيشوا فى الوهم كلمة بحبك دية بسمعها مليون مرة فى اليوم يعنى زى كانها لبانة فى بوق اى حد تسلم على الموضوع
تقبل مرورى

ميرسى اوووى لمروركم
نورتو التوبيك
بجد الموضوع زهلنى جدااا دلوقتى ناس كتير واخده الحب لعبه وناس مش فاهمه كدا وعايشه فى الوهم
تحياتى ليكو

طيب اعترف باة هو انت عمرك ماخت الحب لعبة زى كل الولاد دلواتى ( بامانةةةةةةةةةة)

هههههههههههههههههههههههههههههههههههههه والله الى بحور عليهم بيحورو ع اصلا انا مش بيعجبنى اى حد
لازم تكون شقيه

حلوة مش بيعجبنى اى حد دية
منور ياباشا

اى خدعه ياجميل
بس انت تؤمر
تحياتى ليكى