ارجو الدخول للأهميه,,,,,,,,,,

موضوع: ارجو الدخول للأهميه,,,,,,,,,, 2009-06-12, 18:04

السلام عليكم ورحمة الله وبركاته...

انا انهارده قريت قصه وعجبتني اوي قلت احكيهالكوا واشوف ايه رأيكوا فيها ... وايه ردودكم عليها بس ياريت نكون واقعيين ونبعد عن الردود الخياليه واللي مش مقنعه اوك؟؟؟؟؟؟

المهم.. القصه دي بتقول..

ان كان في شاب عنده حوالي 19 او20 سنه كان بيحب بنت اصغر منه بسنه ... وهما اتعرفوا عن طريق النت.. كانوا في الأول مجرد اي اتنين بيتكلموا عالنت وبعدين هو حبها بس ماقالش... هي حست بكده وفضلوا فتره مع بعض يتكلموا ويهزروا والموضوع كان ماشي تمام وعادي جدا..... لحد ماالشاب ده اعترف للبنت دي انه بيحبها وكان متردد انه يعرفها... هي طبعا اتفاجأت باللي قاله وماتوقعتش ان اللي كانت حاسه بيه طلع صح؟؟؟
المهم.. ماردتش عليه واخدت وقتها عشان تفكر لأنها كانت خارجه من قصة حب فاشله.. وخايفه لا يتكرر الفشل مع الانسان التاني ده.. بس قالت ان صعب ان الانسان يلاقي حد يحبه بجد... هي مكانتش مصدقه انه حبها بالسرعه دي وعالنت كمان....فطلبت صورته فبعتهالها ... حست انه انسان كويس خصوصا بعد ماحصل كذا حاجه حست منها انه ممكن يكون مش بيلعب.... كانت بتحاول تصدق انه حبها بس الموضوع مش مقنع في نظرها...
المهم.... هي حبته وقالتلوا كده مع انها حاسه انه مش بيحبها وواخد الموضوع لعب...
عدا شهر واسبوعين وهما مع بعض ... هي فجأه تعبت,, فراحت تعمل تحليل والنتيجه كانت انها ممكن يكون عندها السكر

طبعا هي اتفجأت زعلت جدا بس موضوع انها يكون عندها سكر ده ماكانش فارق معاها خالص... زعلت بس عشان انها لازم تسيب الشاب اللي هيا حبيته ده بما انها عندها سكر.. مع العلم( انه كان ناوي يرتبط بيها) قفالت انها لازم تسيبه يكمل حياته مع واحده تانيه تكون احسن منها.. وطلبت منه انه يبعد عنها للسبب ده واصرت على كده..... هو من اول ماطلبت كده رفض تماما.. وقالها انه بالعكس لازم يفضل معاها ويقرب منها اكتر وهي تعبانه..

هي شايفه ان العلاقه دي لازم تنتهي لازم...
وهو شايف عكس كده ... شايف انه لازم يكمل معاها وحاول يقنعها كذا مره بس هي رافضه وشايفه انها لازم تبعد...
طيب......
انتوا ايه رأيكوا في الموضوع.....؟؟؟؟
تكمل وهيا تعبانه ؟؟؟؟

ولا تبعد وتخليه يكمل حياته مع واحده تانيه؟؟؟؟؟

انا في انتظااااااار ردودكم ؟؟؟؟؟؟؟؟؟؟؟؟؟؟؟؟؟؟؟؟؟؟
[b]

يبئا ندل اوي لو عمل كده وخلي بيها
ميبئاش فيه ريحة الرجولة
وده راي الشخصي
معرفش بئا الناس الي هتدخل الموضوع ده رأيهم ايه
Question

انا من راي تكمل معاه لانه كدا بيحبها ومتمسك بيها
وهو كمان معجب بصراحتها ممكن واحده غيرها متكنش تقولو
وباين عليه بيحبها قوي
يمكن صعب تلاقي حد بيحبها كدا:) :( :(
قصه رهيييبه تسلمي يا دودو

ميرسي اوي على ردودكم بس انا شايفه يعني

انها مادام تعبت يبقى تسيبه بقا يشوف حياته مع حد احسن ... مش تربطه جنبها والواد اول مايبتدي حياته يبتديها مع واحده مريضه ولا ايه؟؟؟؟ انا والله شايفه انها لازم بجد تعمل كده ولو ماعملتش ده تبقى ماحبتهوش بجد

ههههههههههههههههه
لا مش بيبدء حياتو مع واحده مريض
طيب نعمل ايه لو كان هيا عملت الي عليها وهو متمسك بيها دي حاجه مش باديها الكلام دا لو هي الي بتقولو يفضل معاها بس
هو حر
هو الي بيحبها

لا يالولو بس هي عشان بتحبه لازم تسيبه لحد احسن منها

ياجاااامد ايه الرومانسيه دي
يمكن تكون وجهة نظر صحيحه
تمام تمام

ربنا يهنيهم ويهديم
بس انا اعتراضي على حاجه وحده يمكن لو كان لازم ولابد ينهو المضوع دا
يبقا عشا من البدايه طريقة التعارف غلط غلط غلط
ممكن دي الي تعملهم مشاكل بعدين

انا في راي انه مينفعش يسيبها حتي لو هي الي عايزة
لان مافيش سبب مقنع اصلا انه يسيبها
والسبب هنا انها مريضة
يعني كمان عايزاه يسيبها في وقت مينفعش يفارقها نهائي
ده يتمسك بيها اكتر من الاول
بصراحة
هي بتفكر غلط في غلط في غلط
ويا دودو لو انتي تعرفي صاحبة القصة دي تقوللها ان تفكيرها ده غلط

لا يااحمد هي حبته شكلها وعشان حبته بجد عاوزاه يكمل مع حد احسن...... المشكله انه مش فاهم انها عاوزاه يعيش حياته وهو مرتاح مع حد احسن هو بس شكله عاوز يثبتلها انه واد جدع وكده هي عارفه كده وخلاص بس هو اللي مش راضي يفهم....
انا قريت الموضوع ده بس لو كنت اعرف البنت دي كنت عرفتها ان الصح اللي هي بتعمله اوك؟؟؟

هي احسن حاجه تموت نفسها وترتاح

يبئا استفادة ايه يعني
هي فاكرة انها لما تهرب من حاجة زي دي بالموت يبئا كده هترتاح
ده هتفضل تتعذب الي لا نهاية

يوة.. طب تعمل ايه يعني البت.............. ماهي برضه معذوره

وتايهه مش عارفه تتصرف

لا تعقل الموضوع
يعني هي دلوقتي عملت الي عليها
وعرضت عليه انه يشوف واحدة تانية
بس هو متمسك بيها هو حر بئا هي عملت لي عليها

طيب ماشي...
انتا حط نفسك مكانه هتعمل ايه؟؟؟
لو كنت حبتها بجد يعني هتعمل ايه؟؟؟

ههههههههههههههههههههههههههههههه
والله انتي عسسسسل
يعجبني فيكي يادودو بتجيبي من الاخر
بعدين هي كل الي عندا سكر يعني مش مستاهله كل الدوشه الي هي عملاهاله في ماغه
وهو كمان بيحبها عشان كدا مش عاوز يسيبها

ههههههههههههههههههه
انا بجيب من الاخر عشان بجد الموضوع مش بسيط... اصل لو في بجد اي بنت ف الموقف ده هتتعب جامد

ميريسي ليكي يااجمل لولو ف المنتدى على مرورك

host_DODO كتب:

طيب ماشي...
انتا حط نفسك مكانه هتعمل ايه؟؟؟
لو كنت حبتها بجد يعني هتعمل ايه؟؟؟

مش هسيبها طبعا
واللهي علي جثتي
ونبي لو فضلت تتحايل عليا من هنا للقرن الجاي
مش هيحص ابدا واسيبها في وضع زي ده

ماشي ياميدو... عموما وهي لو متمسكه بيه وبتحبه مش هتبعد.... مش هيجيلها قلب تبعد عنه

BLACK LIST عدد الرسائل : 199 تاريخ التسجيل : 15/06/2009

يا جامعه وربنا زي قصه حصلت معايا بس العكس الشاب طلع ندل هوا من اسوان هيا لما بععتلو صورتها نشرها لكل الناس بس انا عرفت اوقفو عندحدو ولاسف الواد دا من الصعيد يعني تبعنا بس هوا بعيد من اسوان وانا والله عملت الي عليا وي وقفتو
وهيا دلوقتي عاوزه تحبيني انا علشان دافعت عنها هيا كانت صحبتي من دردشه
وعلي فكرا دودو انا حاسس ان الموضوع دا متعلق بيكي انتي بس بجد في الموضوع دا الشاب دا لو سبها يبقا ندل وهيا المفروض تفرح انو بيحبها الحب دا ومتفضرتشي فيه وتحاول تتغلب علي المرض علشان الشاب دا يستاهل منها كلي خير وحتي لو اسرت يبقا بجد هيا مش تزعل منو ابدا
تحياتي دودو
مشاغب

تحاول تتغلب على المرض على اساس انه هى عندها شويه نزله
المهم
موضوع جميل يادودو تسلم ايدك
ويارب يكونو لبعض وعلى فكرة مرض السكر دا يعنى مش بالخطورة انه يمنعا من الجواز
دا مرض عاتى
واتمنالهم كل خير هم الاتنين

موضوع جميل يادودو تسلم ايدك
ويارب يكونو لبعض وعلى فكرة مرض السكر دا يعنى مش بالخطورة انه يمنعا من الجواز
دا مرض عاتى
واتمنالهم كل خير هم الاتنين[/quote]

ميرسي اوي على مرورك

» ممنوع الدخول الناس الي قلبها ضعيف*كليب*
» الحجاب اليهودي ارجو من جميع البنات المسلمات الدخول مهم جددددددددددا بسرعه
» هام لكل الاعضاء يرجي الدخول للاهمية مثبت
» موضوع هام جدا للشباب و البنات رجاء الدخول
» ممنــــوع ’الدخول لأصحاب القلوب الضعيفه